اقبال ترين
اقبال ترين
اقبال ترين: ناميارو سماجي اڳواڻ ۽ ليکڪ اقبال ترين، 3 جنوري 1948ع تي شڪارپور ۾ ڄائو، شروعاتي تعليم هتي ئي حاصل ڪيائين، سنڌ يونيورسٽيءَ مان اليڪٽريڪل انجنيئرنگ ۾ گرئجوئيشن بعد آمريڪا پڙهڻ لاءِ ويو، جتي هن هارورڊ يونيورسٽيءَ مان بزنس ائڊمنسٽريشن ۾ پوسٽ گرئجوئيشن ڪئي ۽ ڪيليفورنيا ڪوسٽ يونيورسٽيءَمان ايم. بي. اي ڪيائين. ان کانسواءِ ڪمپيوٽر پروگرامنگ ۽ ٽيلي ڪميونيڪيشن ۾ پڻ ڪورس ڪيائين. اقبال ترين شاگرديءَ واري دور کان وٺي سياسي ۽ سماجي سرگرمين ۾ مصروف رهيو ۽ هڪ دور ۾ Sindh Monitor جي ايڊيٽنگ به ڪيائين. ان کانسواءِ پاڪستان ٽيليويزن جي شروعاتي دور وارن ڊرامن ۾ ڪم ڪندي اداڪاريءَ ۾ پنھنجا جوهر ڏيکاري ڪيترائي پي. ٽي. وي جا اوارڊ کنيائين. هن انساني حقن جي پرچار سان گڏ، قومي تحريڪن ۾ به ڀرپور حصو ورتو آهي ۽ جمھوري حقن لاءِ جاکوڙيندڙن جي حمايت ڪندو رهي ٿو. اقبال ترين، جيئي سنڌ اسٽوڊنٽس فيڊريشن جو باني ميمبر آهي. اقبال ترين آمريڪا ۾ رهندڙ سنڌين جي نمائنده تنظيم ”سانا “(Sindhi Association of North America) جو صدر به رهي چڪو آهي، اڄڪلهه هو ورجينيا (آمريڪا) ۾ رهائش پذير آهي ۽ هن وقت اتي قائم ڪيل فورم Forum for Justice & Democracy in Pakistan جو صدر پڻ آهي. سندس هڪ ڪتاب Harvest will come پڻ شايع ٿيل آهي
لفظ اقبال ترينھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1950.01.03 عيسوي
اقبال ترين ، 3 جنوري 1950ع تي شڪارپور ۾ ڄائو
شخصيتون - ڀاڱي جون ٻِيون داخلائون
سيده بيگمرضوي مير يعقوب علي سيد
استاد بيبو خان
ممتاز بخاري
حيدر هروي
صعدي بن خريمه
پير آف راڻيپور
ثمينه پيرزاده
شيدي محمد بخش
رسول بخش بلوچ